Ramiz Rzayev Bakı Hərbi Məhkəməsini TƏNQİD ETDİ: "Düz etmirlər"

Ramiz Rzayev Bakı Hərbi Məhkəməsini TƏNQİD ETDİ:

"Bakı Hərbi Məhkəməsi düz etmir” - Ali Məhkəmənin sədri

Ali Məhkəmənin sədri Ramiz Rzayev Bakı Hərbi Məhkəməsini tənqid edib. "Qafqazinfo" xəbər verir ki, buna səbəb isə jurnalistlərin heç bir məhkəmə prosesinə buraxılmamasıdır:

"Açıq məhkəmə iclaslarını jurnalistlər sərbəst şəkildə izləyib baxa bilər. Bakı Hərbi Məhkəməsi jurnalistləri belə proseslərə buraxmırsa, düz etmirlər. Mən bununla bağlı həmin məhkəmə sədrləri ilə danışaram".

R. Rzayev, həmçinin qeyd edib ki, ötən il prokurorluq tərəfindən verilən protestlərin cəmi 35 faizi təmin edilib:

"Belə bir fikir yaranıb ki, prokuror nə desə, məhkəmə də onu deyir. Bu, çox səhv fikirdir. Bəlkə sovet dövründə belə olub, amma indi belə deyil. Ötən il prokurorluq tərəfindən verilən protestlərin cəmi 35 faizi təmin edilib. Bunun da olması normaldır, çünki hakimlər də səhv edə bilir".

Miq.Az



 


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az