Ayan məmur sevgilisindən danışıb ağladı: "Leyli-Məcnun sevgisi yaşamışıq"

Ayan məmur sevgilisindən danışıb ağladı:

Müğənni Ayan Babakişiyeva prodüser Tolikin "Tarixlə səmimi” "Youtube” layihəsinin qonağı olub. 

Miq.Az musavat.com-a istinadən xəbər verir ki, müğənni həmkarlarının ailə dağıtmaqda ittiham olunmasına münasibət bildirib: 

"Müğənnilər ailə dağıtmır, mən də ailə dağıtmamışam. Günah kişilərdədir. Dövlət məmuru, iş adamı sanki müğənni ilə sevgili olmağı, bunu ətrafa bildirməyi xoşlayır. Kişi məşhur simanı həyatına gətirdiyi zaman məsələsini ailəsi ilə həll etməlidir, ya da boşanıb, müğənni ilə ailə qursun. Biz də tanınmış insanıq, bizə ləkə yaxmaq olar? Onlar qorxur ki, müğənni ilə münasibəti bilinsə, işdən çıxarılar”. 

İfaçı şəxsi həyatından da bəhs edib: "Bugünkü həyatda qadınlarla kişilərin münasibətindən başım çıxmır. Sevgidə gərək vəfalı olasan. O vaxt həyatımdakı insanın (red: Füzuli Musayev) müğənnilərə meyli yox idi. Mənim həyatının səhvi olduğunu demişdi.

Amma mən peşman deyiləm. O vaxt çox xoşbəxt olmuşam və övladım dünyaya gəlib. Səmimi deyirəm, heç nəyə peşman deyiləm. Bilirəm ki, qismətimdə olanı yaşamalıyam. O vaxt xoşbəxt idim, sevib-sevilirdim. Sevildiyimi hiss edirdim. Bu həyatı mən yaşamışam. Səfasını da, cəfasını çəkmişəm. Hamı bilir ki, biz Leyli Məcnun sevgisi yaşamışıq”.

Müğənninin keçmiş münasibətindən danışarkən göz yaşları tökməsi də diqqətdən qaçmayıb. 

Qeyd edək ki, müğənni Ayan Babakişiyeva Azərbaycan Taekvondo Federasiyasının birinci vitse-prezidenti, Dünya Taekvondo Federasiyasının Gənclər Komitəsinin üzvü Füzuli Musayev ilə eşq həyatı yaşayıb. Onların bu münasibətdən 2014-cü ilin martın 1-də Selena adlı qız övladı dünyaya gəlib.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az