O bildirib ki, belə ermənilərdən biri də Laçının Zabux kəndində yaşayan Liviya ermənisi idi:

"Araik də belə deyirdi, Sərkisyan da, Ohanyan da, Zori Balayan da. Vladik (Vaqif) Xaçatryandan soruşuram ki, hanı indi onlar?! Azərbaycanca cavab verir ki, cəhənnəmdə!

Deyirəm, Vladik, cəhənnəmdə sənsən, bir də Qarabağda yaşayan ermənilər. Sadaladıqlarım isə cənnətdədirlər! Siz heç onların yadına düşmürsünüz! Sizi aldatdılar, istifadə etdilər, yaxşı qazandılar, sonra da qaçdılar. Vardanyan da qaçacaq, çünki pulu var, amma başqaları qaça bilməyəcəklər! İndi başına yığdığı bir dəstə axmaq erməni qaça bilməyəcək, ona görə ki, qaçmağa daha nə yol var, nə də pul! O silahlı separatçıları qulaqlarından tutub çıxaracaqlar, lakin bu dəfə üzü Kürdəxanıya tərəf. Yəni sənin olduğun yerə gətirəcəklər! Xaçatryan ağladı”.